Dəri tipləri

 Hamınızı salamlayıram mənim xanım-xatınlarım. Axır ki, yazımı tamaladım.Sizə bugün dəri tiplərindən yazmaq istərdim. Əminəm ki, çoxunuz dəri tipinizi bilirsiniz. Lakin içimizdə dəri tipini düzgün bilməyən və ya tərəddüd edən xanımlarımız da az deyil. Demək, dəri tipimizi necə müəyyən edək. Bunun üçün üzümüzü təmizləyirik, yuyuruq. 2-3 saatdan sonra üzümüzə salfetlə basqılar edirik. (salfet bütün üzümüzü tutmalıdır)Və gün işığında salfetimizə baxırıq. Əgər salfetin bütün hissələri yağlıdırsa, bu zaman siz yağlı üz tipinə maliksiniz. Alın, burun və çənə hissəniz salfetdə yağlanıbsa, bu zaman qarışıq (kombinə edilmiş) dəri tipinə maliksiniz. Normal və quru dərilərə malik xanımlarda heç bir yağlılıq müşahidə  olunmayacaq. Sadəcə, quru dərilər normal dərilərə nisbətdə quruluq hissi və yaxud qabıqlanma ilə müşahidə olunur.

Əgər quru dəri tipinə maliksinizsə, o zaman çoxlu nəmləndirici kremlərdən istifadə edin. Dərinizin yağ və nəm balansını artıracaq kremlər sizin işinizi görəcəkdir. Quru dəri tipinə malik qadınların dəriləri cavanlıqda çox gözəl görsənsə də getdikcə qırışıqlığa meylli olurlar. Bunun qarşısını müxtəlif dəri vasitələri ilə almaq mümkündür.

Normal dəri tipi ən ideal dəri tipi sayılır. İşıltılı və təravətli görsənir. Bu sərvəti sadəcə qorumaq lazımdır.
Qarışıq dəri tipi qadınlar arasında ən çox yayılmış tiplərdəndir. Yalnız alın , burun , çənə nahiyyələri yağlı olur, qalan hissələr hissə quru halda olur. Belə dəri tipləri zaman -zaman yağlama və normallaşa bilirlər.
Və sonuncu dəri tipimiz olan yağlı dəri tipi. Bu cür dərisi olan qadınlar tez-tez yağlanmmadan, makyajın axmasından, parıldamasından , günboyu üzlərində qalmamaqlarından şikayət edirlər. Makyajınızı müxtəlif pudralarla sabitləyə bilərsiniz.
Hansı dəri tipinə aid olmağınızdan aslı olmayaraq, dərinizin nəm balansını sabit saxlayın. Dərinizin qədrini bilin və baxımınızı heç zaman ertələməyin.